Светот чекаше три недели да ја слушне официјалната причина за смртта на кралицата Елизабета втора, и тоа било, сосема очекувано - староста, но она што исто така привлече големо внимание е нејзината професија.
Во потврдата било напишано сè - полното име (Елизабет Александра Мери) и презиме (Виндзор), датум на раѓање (21 април), датум и време на смртта (8 септември во 15:10 часот по локално време), адреса на местото каде што таа умрела (замокот „Балморал“ во Шкотска), брачна состојба (вдовица)... А професија? Па, нејзиното височество Кралицата.
„Што друго би била“, прашуваат твитерџиите. Бидејќи, наведени се и занимањата на нејзините родители - кралот Џорџ VI и Елизабета, мајката на кралицата.
Некои велат дека, доколку била таа прашана, веројатно како своја професија би истакнала „служење на народот“, бидејќи често така ги завршувала своите обраќања до нацијата.