Покрај тоа што овој оброк носи одлучна комбинација на вкусови и допир на носталгија на нашата трпеза, можеме да уживаме и во фактот што доматите полнети со печурки се исто така многу евтино главно јадење или прилог, а исто така брзо се подготвуваат.

Со мешавина од печурки и сирење, полнетите домати се навистина декадентни.

Состојки:

- 4 големи домати;
- сол, бибер;
- 500 гр. свежи печурки;
- ¼ шолја путер;
- 2 лажици повеќенаменско бршно;
- 1 шолја павлака за готвење;
- 2 лажици меки трошки леб;
- ¾ шолји свеж магдонос;
- 2/3 шолји рендан кашкавал.

Подготовка:

Исечкајте го доматот на половина, извадете го мекиот дел од него и оставете ја само кората.

Лесно посипете со сол и превртете го на хартија за печење да се исцеди 15 минути.

Во голема тава, пржете ги печурките во путер додека не испари поголемиот дел од течноста, околу пет минути.

Посипете со брашно и додадете павлака за готвење. Кога ќе зоврие, варете и мешајте додека не се згусне, околу две минути. Тргнете од оган.

Измешајте ги лебните трошки, магдоносот и 1/3 чаша сирење.

Во доматните „чаши“ прелијте со лажица од смесата - кога ќе се наполнат посипете со преостанатото сирење и ставете во масен сад за печење.

Печете непокриено на 200 C° додека не се растопи кашкавалот, околу 10 минути.

Послужете топло.