Еден оброк кај популарниот готвач Нусрет Гокче чини колку купување на убав стан за живеење.
Нусрет Гокче стана популарен на сoцијалните мрежи каде промовира специфична храна која ја подготвува и начинот на којшто истата се служи.
Многу од познатите личности како и луѓе кои можат да си го дозволат тоа, имале голема желба да ја пробаат храната од неговиот ресторан.
Тој стана познат во 2017 година, а поради своите способности многу брзо станал ценет и баран во целиот свет.
Највпечатливиот дел од неговиот перформанс е начинот на којшто ја посолува храната.
Нусрет има цел ланец на стек-хаус ресторани во неколку турски градови, но и во Њујорк, Дубаи, Миконос, а ги служел ѕвездите како што се Антонио Бандерас, Томи Хилфигер, Ашер, Андреа Бочели, Ал Пачино, Марк Валберг и многу други.
Минатата година тој отворил ресторан во Лондон којшто се нашол на удар на критики поради лошата услуга, невкусната храна и енормно високите цени. Некои од гостите добиле сметка од 37.000 фунти, односно околу 2 милиони денари.
Еден разочаран гостин напишал:
„Суво, суво, суво. Невкусно. Очигледно, Салт Бае штеди на солта – како и на сите други видови вкус. Тој е лажго на социјалните мрежи. Жал ми е за луѓето кои се убедени дека ова е вкусна храна“.