Сезоната на сливи е во ек, а ние одлучивме да ја прославиме со најдобриот колач на светот – лажни кнедли.
Спојте ги традицијата и иновативноста и направете го овој ароматичен и вкусен десерт.
- Околу 1 кг. сливи без семки
За првиот фил:
- 350 гр. презла
- 100 гр. шеќер
- 2 ќесички ванилин шеќер
- 100 мл. масло за јадење
- 2 лажички цимет
За вториот фил:
- 1 л. млеко
- 150 гр. шеќер
- 1 прашок за пециво
- 2 ќесички ванилин шеќер
- 1 јајце
- 160 гр. гриз
- 90 гр. путер
Соединете ги сите состојки за првиот фил и оставете го садот настрана.
За вториот фил одвојте 300 мл. млеко и помешајте го со сите состојки освен путерот. Во сад на оган ставете 700 мл. млеко да зоврие, па додајте ја претходната смеса и варете додека не се згусне. На крајот додајте го путерот и добро измешајте.
Во тава ставете половина од смесата со презла, а потоа одозгора наредете ги сливите, па вториот фил и на крајот остатокот од смесата со презла.
Печете на 180 Целзиусови степени околу 45 минути до еден час. Почекајте да се излади, а потоа послужете.