Дали знаете што може да направи само една чаша ѓумбир за вашето здравје? Ефектот е неверојатен – помага во варењето на храната, ги отстранува мачнините и менструалните болки, ја зголемува енергијата. Бонус е тоа што напитокот е лесен за подготовка.

Состојки:

- 1 корен од ѓумбир;
- 2 лимони;
- 2 децилитри вода;
- 3 лажици мед.

Подготовка:

Излупете го коренот од ѓумбир и добро измијте го. Исечкајте го на коцки или ставете го во блендер.

Содржината ставете ја во сад, прелијте ја со 2 децилитри вода и варете неколку минути на умерена температура.

Оставете малку да се излади, а потоа исцедете ги лимоните и додадете го медот.

Во шише од 2 литри додадете 1,5 литри вода и смесата од ѓумбирот, медот и лимонот. Шишето ставете го во фрижидер.

Пред да се послужите со сокот, задолжително протресете го шишето и доколку сакате додадете си неколку коцки мраз.

Поради тоа што не содржи адитиви и шеќер, во фрижидер максимум сокот може да стои 7 дена.

Една чаша од овој сок ќе направи многу за вашето здравје, оваа мешавина е пребогата со корисни состојки како што се фосфор, витамин Б, Б3, Б6, протеини и диетални влакна.

Ги ублажува мачнините

Гингеролите кои се присутни во ѓумбирот добро делуваат при мачнини и стомачни проблеми меѓу кои и лошото варење на храната. Исто така може да им помогнат на бремените жени при мачнини, а покрај тоа безбедни се и за децата.

Ги намалува менструалните болки

Гингеролите, како и парадолот којшто се наоѓа во ѓумбирот, можат да бидат од голема помош кај жените кои се борат со менструални болки и болки во мускулите. Пациентите со артритис исто така ќе почувствуваат олеснување затоа што овој „лек“ прави чуда и за болки во зглобовите.

Ја зголемува енергијата

За оние кои секое утро се чувствуваат поспано и уморно, пиењето ѓумбир е одличен начин за започнување на денот. Ја зголемува енергијата, ја подобрува циркулацијата и природно ги елиминира токсините.

Пoмага при лошото варење на храната

Болката во стомакот и киселоста кои настануваат кога јадеме тешка и мрсна храна. Напитокот од ѓумбир наутро ќе помогне во подоброто варење на храната и ќе ја поттикне работата на метаболизмот.

Го регулира шеќерот во крвта

Пациентите со дијабетес исто така можат да имаат корист од користењето ѓумбир секое утро, а сето тоа поради неговите антифламаторни својства. Овој напиток го одржува и здравјето на срцето, така што помага во регулирањето на крвниот притисок.