Миовски: Ми се допаѓа стилот на игра, среќен сум поради голот и навивачите

Миовски конечно ги надмина проблемите со визата, доби зелено светло и во првиот меч во новиот клуб веднаш се запиша во листата на стрелците и тоа против Рејт Роверс во Лига Купот. Македонецот се најде во почетната постава и во првите минути се избори за пенал кој потоа го реализираше и го отвори резултатот по што се беше многу полесно за фаворитот кој на крајот славеше со 3-0.

- Конечно сум тука и среќен сум поради тоа. Конечно е готово. Го изведев пеналот и постигнав гол, тоа ќе ми даде самодоверба за во иднина. Им благодарам на моите соиграчи. Убаво шутнав. Ми се допаѓа нашиот стил на игра, играме офанзивно, има многу нафрлувања и повеќе можности за мене. Едвај го чекам моето деби во лигата, среќен сум и поради приемот на навивачите, тоа ми дава дополнителен мотив, - порача офанзивецот кој во Шкотска дојде до унгарски МТК Будимпешта.