Американската комичарка и актерка Бет Мидлер иронично повика на забрана за вијагра во САД, по одлуката на Врховниот суд за забрана за абортус во оваа земја.
„Време е за забрана за вијагра. Бидејќи ако бременоста е „Божја волја“, тогаш е и твојот млитав п*нис“, напишала Мидлер на Твитер, исмејувајќи ја логиката на судската пресуда, а бројни следбеници се сложиле со неа.
„Никој подобро не го кажал ова“, додал еден.
Бет и претходно беше многу гласна во своето несогласување со одлуката на Врховниот суд да го укине уставното право на американските жени на безбеден абортус.
По пресудата, таа напиша на Твитер: „Тие го направија тоа. Нѝ го направија нам! Уставниот суд го поништи случајот Ро против Вејд, запишан во Уставот како воспоставен закон повеќе од 50 години. Како се осудуваат? Овој уставен суд е апсолутно глув на волјата, па дури и на реалните потреби на американскиот народ“, порача актерката.
На Мидлер ѝ се придружија голем број познати личности кои се изјаснија против пресудата на Врховниот суд, а помеѓу нив е и поп-ѕвездата Селена Гомез која ги повика мажите да „станат“ против ваквата пресуда, споделувајќи информации за тоа како јавноста може активно да ја оспори истата.
