Дури и најголемите гурмани и љубителите на месо со задоволство уживаат во плескавиците од тиквички и компири, а најдобро од сè е тоа што се подготвуваат многу лесно.

Состојки:

- 1 килограм тиквички;
- Половина килограм компири;
- Свеж магдонос;
- 2 чешниња лук;
- 100 грама брашно;
- Сол и бибер;
- Прстофат мелена пиперка;
- Масло за јадење.

Подготовка:

Излупете ги и добро измијте ги тиквичките, па изрендајте ги на крупната страна од рендето. Потоа посолете по вкус, па ставете ги во цедалка и добро притиснете ги, па оставете нека се сушат.

Сварете ги компирите, па после варењето излупете ги.

Во една подлабока чинија измешајте ги тиквичките и компирот, па додадете ситно сечкан магдонос, сол, бибер, мелена пиперка и лук. Сето тоа добро измешајте го, па обликувајте плескавици.

Потоа извалкајте ги во брашно и пржете на загреано масло.

Послужете со сезонска салата и уживајте во секое залче.

Пријатно јадење!