Бројните руски системи за противвоздушна одбрана во источна Украина се повеќе ја ограничуваат ефикасноста на украинските беспилотни летала, намалувајќи ги способностите на Украина во војната, пишува Американскиот институт за воени студии.
Џек Деч од списанието „Foreign Policy“ цитирал неколку анонимни украински службеници и воен персонал дека украинските сили во голема мера ја сопреле употребата на турските беспилотни летала „Бајрактар“, кои биле користени со голем ефект порано во војната.
Исто така, украинските службеници, како што се известува, се повеќе се загрижени дека американските беспилотни летала „Grey Eagle“, за кои се зборувало дека САД им ги донирале на Киев, исто така би можеле да бидат лесна мета за руските системи за противвоздушна одбрана над Донбас.
За тоа јавно зборувале и двајца украински пилоти за „War Zone“. Тие признале дека турските „Бајрактар“ се практично бескорисни кога ќе се соочат со сè помоќната руска противвоздушна одбрана, и јасно ставиле до знаење дека се повеќе заинтересирани за било каков план да бидат обучени за користење на помодерните западни борбени авиони, како американските „F-16“. Изгледа дека нивните коментари укажуваат на широката тековна дебата меѓу пилотите и високото раководство за приоритетите кога станува збор за зајакнување на украинските воздушни сили.
Украинските сили наводно ги намалиле операциите на 20 до 30 летови дневно и се соочуваат со недостиг на авиони достапни за активните пилоти. Руските сили веројатно ќе фаворизираат распоредување на противвоздушна одбрана во источна Украина за да се поништат операциите на украинските авиони и да се заштитат артилериските системи на кои руските сили се потпираат за да остварат напредок, наведува Институтот за проучување на војни. Меѓутоа, украинското воено воздухопловство и вооружените дронови и натаму се активни на други делови од бојното поле, па минатата недела извеле неколку успешни напади на цели во областа Херсон.
Денес
