На интернет кружи „DeepFake“ видео од Илон Маск, во коe американскиот милијардер ги повикува заинтересираните да „вложат криптовалути“ во новата платформа.
Станува збор за измама каде жртвите остануваат без дигиталните пари, верувајќи во приказната на лажниот Маск, создадена со помош на озлогласената технологија.
„DeepFake“ претставува вид на вештачка интелигенција која на оригиналните снимки им вградува туѓи лица, додека во случајот на Илон Маск станува збор за автентично интервју, но со монтиран глас.
Слични видеа делуваат прилично убедливо и тешко дека со голо око може да препознаете дека е измама.
На „DeepFake“ видеото може да го слушнете Маск како „вложил 50 милиони долари“ во платформата „Bitvex“, како и дека заинтересираните вложувачи ги „очекува 30 отсто заработка“.
На споменатата страница се наведува дека Маск е извршен директор, а поставена е и неговата профилна фотографија од Твитер, пренесува „Interesting Engineering“.
Кога ќе пристапите до страницата ќе мора да направите профил, а потоа да вложите криптовалути по избор. Ќе добиете и „приказ на трансакцијата“ од други корисници.
„Bleeping Computer“ пренесува дека „Bitvex“ досега се вложени 1.700 долари во криптовалути, но тоа не значи дека иднината на другите луѓе ќе падне во оваа замка, поради тоа бидете внимателни.