Во основно училиште во Тексас дошло до пукање во кое биле убиени најмалку 19 деца и двајца возрасни. До пукањето дошло во 11:17 по локално време во основното училиште Роб во Увалде, град на Југозападот на Тексас.
Салвадор Рамос е идентификуван како 18-годишен осомничен за масовното пукање во основното училиште во Тексас, во кое загинаа најмалку 19 ученици и двајца возрасни од кои еден е наставник , изјавил гувернерот на Тексас, Грег Абот.
Напаѓачот најверојатно бил убиен од полицајците кои дошле на местото на нападот, но деталите од трагедијата се уште се истражуваат.
Абот на прес-конференција информира дека полицијата извршила „брза акција“ на местото на масовното пукање, но дека, за жал, за многу деца било доцна.
„Убиецот е Салвадор Рамос, 18-годишен млад човек кој живееше во Увалде“, истакнал гувернерот.
Тоа е најсмртоносниот напад во училиште во историјата на сојузната држава Тексас, и се случува четири години откако атентатор уби 10 ученици во средно училиште во Санта Фе.
@abcnews da a conocer la foto del sospechoso de la matanza en @robb_elementary_school en #uvalde #texas. Un estudiante de la #highschool de #uvalde de 18 años. Salvador Ramos , primero le disparó a su abuela y luego llegó a la escuela donde asesinó a 14 niños y una maestra. pic.twitter.com/gy4uGKskJR
— Nilda Rosario (@nildarosario) May 24, 2022