Правниот тим на Џони Деп објавил видео од Амбер Херд и Џејмс Франко кое наводно настанало еден ден откако Амбер барала Деп да добие забрана за приоѓање.
Тимот на Џони Деп тврди дека Амбер и Џејмс имале афера.
„Ги сменивте бравите во пентхаусот на 22 мај 2016 година?“, прашала адвокатката на Деп, Камила Васкес.
„Се обидов“, одговорила Херд.
„Навечер сте го повикале Џејмс Франко на вечера?“, прашала адвокатката.
CCTV video shown of James Franco getting in the elevator with #AmberHeard the night after the fight at the penthouse when police were called. #JohnnyDepp pic.twitter.com/jBm3GwdbWL
— Cathy Russon (@cathyrusson) May 17, 2022
Актерката одговорила дека не се сеќава кога точно Франко ја посетил и додала дека биле во исклучително пријателски однос.
Васкез потоа го покажала видеото од надзорните камери на кое се гледа дека двајцата биле заедно во лифтот, а Франко во еден момент ја потпира својата глава на нејзиното рамо.
„Џони го мразеше Џејмс. Ме обвинуваше дека сум го изневерувала со него откако заедно го снимивме филмот 'Pineapple Express'“, вели Херд.
Да ве потсетиме, Франко и Илон Маск се наведени на нејзината листа на сведоци, но сепак не се очекува да сведочат.
