Денеска, од страна на полициски службеници од Одделот за криминалистичка полиција, Сектор за недозволена трговија со дрога, оружје и опасни материи и СВР Скопје – Единица за недозволена трговија, по претходно добиена судска наредба за претрес на дом и други простории, извршија претрес кај Т. Ч. (38) од Скопје.
При претресот, според полицијата, биле пронајдени пиштол „берета“, пиштол „гризли“, 20 куршуми во калибар 6,35, сигнален пиштол со муниција за него и воздушна пушка, кои лицето ги поседувало без дозволи.
Исто така, за време на претресот биле пронајдени и една грутка и едно пакување со бела прашеста материја и вага со остатоци од бела прашеста материја.
Т. Ч. е лишен од слобода и против него ќе биде поднесена кривична пријава до надлежното ОЈО, соопшти полицијата.
