Погба во понеделник ги почнува преговорите со Јуве

Макфакс

15/05/2022

11:18

2.388

Големина на фонт

а а а

Италијанските медиуми тврдат дека директорите на Јувентус ќе се сретнат со претставниците на Пол Погба во понеделник за да го договорат враќањето во Торино на Французинот, чиј договор со Манчестер јунајтед завршува на 1 јули.

По смртта на неговиот агент Мино Рајола, сега задачата за преговарање на трансферот паѓа на Рафаела Пимента, која во понеделник ќе почне со преговорите, тврдат „Скај спорт Италија“ и „Спортиталија“.

Споре нивните информации, Јувентус може да му понудат на Погба само 7-8 милиони евра по сезона, драстично помалку од неговата актуелна плата во Јунајтед, но и помалку од понудите на Реал Мадрид и Пари Сен-Жермен.

Погба играше за Јувентус од 2012 до 2016, откако пристигна како слободен играч од Јунајтед, за во 2016, „ѓаволите“ да платат тогаш рекордни 105 милиони евра да го вратат на „Олд Трафорд“.



Спонзорирани линкови

Маркетинг