Британскиот актер со потекло од Руанда, Нкути Гатва, е избран за нов главен лик на популарната научнофантастична серија „Doctor Who“ на „BBC“ и тоа како прв доктор кој не е белец.
Нкути е најпознат по улогата во серијата на „Netflix“, „Sex Education“, а неговиот живот не бил воопшто лесен. Пред 2 години 29-годишниот актер признал дека некое време бил бездомник.
„Јас сум од Шкотска, а се преселив во Лондон кога имав 21 година. Постојано работев, дури и на некои пристојни места. Една година бев вработен во театарот „Globe“, а работев и во театарот „Kneehigh“. Но, човек мора да се прехрани, морате да одите на работа, да плаќате кирија, сметки, да патувате на работа и се чинеше дека не можам сето тоа да го издржам. Морав да се преселам на друга локација и одеднаш сè се сруши“, признал Гатва.
„Пет месеци пред серијата спиев на каучите на своите пријатели. Немав свој дом. Бев бездомник. Единствено фактот што имав пријатели ме спасуваше да не спијам на улица“, ја споделил Нкути својата приказна.
Тој изјавил и дека животот му бил потполно поинаков пред да започне да глуми во „Sex Education“. Актерот раскажал и дека пријател морал да му позајми пари за превоз за да отиде на аудицијата.
Освен тоа, Нкути споменал и дека работел во луксузната продавница „Harrods“:
„Ги набљудував луѓето и мислев дека се среќни што имаат покрив над глава. А потоа одев на работа и продавав парфеми за 6.840 фунти“, вели тој.
