Валентино Роси стави крај на својата успешна и долгогодишна Мото ГП кариера, но тоа не значи дека легендарниот „Доктор“ и дефинитивно заминува во пензија, за што добивме потврда и оваа вечер.
Италијанскиот мотоциклист отсекогаш бил вљубеник и во мото трките на четири тркала, па сега конечно ќе му се оствари желбата и ќе биде дел од едно професионално автомобилистичко натпреварување во 2022-ра година.
По крајот на Мото ГП етапата, Валентино вечерва потврди дека продолжува во светскиот ГТ шампионат, во кој ќе го гледаме во боите на Ауди возејќи Р8.
I’m very happy to announce that next year I will race for the team WRT in the Fanatec GT world challenge with a Audi R8 LMS.will be 10 races.I will race(among the others)in Imola,Misano and in the 24hours of Spa.
— Valentino Rossi (@ValeYellow46) January 13, 2022
Thanks to Vincent Vosse and to Audi for this great opportunity? pic.twitter.com/gGM7I5CkFR
Италијанецот ќе настапи на 10 трки во новата тркачка авантура и сигурно ќе ја крене гледаноста на ГТ шампионатот, особено кога ќе има трки во неговата родна земја.
– Многу сум среќен што ќе се натпреварувам за ВРТ тимот во ГТ шампионатот со Ауди Р8 ЛМС. Ќе бидам дел од 10 трки, а покрај останатите, ќе се тркам на Имола, Мисано и 24 часа Спа. Благодарност до Винсент Восе и Ауди за оваа голема можност, – објави Валентино.
