Но, од година во година, Дедо Мраз секогаш успева да ги избегне сите тие љубопитни очи и непречено да помине од оџакот.

Во таа насока, неколку деца ги споделиле своите трикови за кои сметаат дека можат да бидат успешни во откривање на симпатичниот и долгоочекуван дедо, а идеите се генијални, пишува „Romper“.

Бујна фантазија

„Би оставил трага од колаче и би ставил многу колачиња на едно место, каде тој би нагазил на копче кое ќе активира аларм што ќе ме разбуди, за да можам да го фатам“, вели 7-годишниот Хенри Д. од Пенсилванија. Не е лош начин, иако тој не објаснил како ќе го фати Дедо Мраз, само го разработил системот за откривање.

Осумгодишната Ели Т. од Денвер во Колорадо, вели дека исто така би поставила замка со млеко и колачи - но тие би биле прикачени на конец. Зошто?

„Значи, кога би земал колаче или би го испил млекото, конецот би ја затворил вратата, ќе го зароби во соба и ќе испушти силен звук за да ме разбуди“, вели малата Ели.

Подетални стапици

Осумгодишниот Лиам Р. од Денвер имал подетален план: „Би нашол начин да создадам верижна реакција во која, кога Дедо Мраз ќе го стави првиот подарок, тоа ќе биде стапица“, вели Лијам, алудирајќи на моментот кога Дедо Мраз ќе се најде под елката. „Ќе има систем за појас, ќе го грабне и ќе заѕвони, а потоа ќе се разбудам и ќе го видам“.

Шестгодишната Мија П. од Хоупвел, Пенсилванија, исто така, имала прилично креативна идеја. „Ставете многу големи кутии во каминот, така што кога ќе се спушти, ќе падне во кутиите, ќе се заглави и ќе му се затвори капакот“, вели Мија. Вели дека би го задржала таму само преку ноќ.

„Ќе донесам колачиња наутро кога ќе ѕирнам внатре, за да не завршам на лоша листа“, вели Мија.

Сепак, Џоја К. од Конектикат има еден од најразработените планови. „Би направила тобоган. И во него би имало изум кој ќе го скенира неговото тело, за да знам како изгледа. Потоа би му ставила микрочип во вратот“, вели 7-годишното девојче.

„Веројатно ќе се онесвести на една минута бидејќи ќе се исплаши по лизгањето, а потоа би го микрочипирала“, вели Џоја. „Тогаш ќе можам да го следам кога и да посакам“.

Има и едноставни идеи

„Би се телепортирал во неговата санка и би го донел дома“, вели 5-годишниот Мартез Р. од Њу Џерси, не објаснувајќи каде всушност ќе го добие овој уред за телепортација.

Жителот на Пенсилванија, Даниел Х. рекол дека му треба само еден добар удар за да го фати Дедо Мраз. „Јас само би пукал со кука за фаќање во задниот дел од неговата санка, а потоа би прикачил пиштол со кука за фаќање на дрво“, вели Даниел.