За да го намалиме ризикот од срцеви заболувања, пожелно е често да ги јадете овие намирници, советуваат нутриционистите.

Овесна каша

Доколку сакате денот да го започнете со најдобриот појадок за срце, домашната овесна каша е првиот избор.

„Овесот е житарка со одличен извор на растителни влакна, помага лошиот холестерол помалку да се апсорбира во крвотокот“, објаснува нутриционистката Ејми Гудрич.

Јаткасти плодови

„Да, содржат многу масти, но исто така се преполни со антиоксиданти и растителни влакна. Го намалуваат холестеролот и воспалителните процеси во телото“, изјавила нутриционистката Тина Мариначо.

Грав

Направете му услуга на вашето срце и јадете грав, тој е одлична намирница за вашето срце. Ќе внесете многу протеини, а малку заситени масти и холестерол.

„Гравот е полн со растителни влакна и растителни протеини, како и сите мешунки. Го намалува крвниот притисок и воспалителните процеси во телото“, вели нутриционистката.

Масна риба

„Туна, лосос и други масни риби треба да се јадат двапати неделно. Тие се одличен извор за омега 3 масни киселини, ги намалуваат триглицеридите, крвниот притисок и холестеролот“, објаснува нутриционистката.

Бобинки

„Сите бобинки се добар извор на антиоксиданти кои нè штитат, како и фитохемикалии кои се поврзани со здравјето на кардиоваскуларниот систем“, изјавила нутриционистката Колин Кристенсен.

Соја

Непреработена соја е одличен извор на растителни влакна, здрави масти, протеини и антиоксиданти. Го намалува холестеролот, крвниот притисок, триглицеридите и воспаленијата во организмот.

Авокадо

Можеби вашиот доктор ви кажал да го намалите внесувањето на путерот, но здравите масти како што се оние кои ги содржи авокадото секако ви се потребни.

„Авокадото содржи мононезаситени масти кои го намалуваат холестеролот и го намалуваат ризикот од болести на срцето, како и леинска киселина, омега 9 масни киселини кои ги намалуваат воспаленијата. Авокадото содржи и повеќе калиум од бананата, витамин К и растителни влакна“, изјавила нутриционистката Беки Керкенбу.