Основачот и СЕО на Твитер, Џек Дорси, наводно ќе отстапи од неговата позиција, пренесува CNBC.
Дорси го основал Твитер во 2006 година и бил извршен директор на Твитер и компанијата Сквер.
Тој бил под притисок на некои инвеститори за да се повлече уште од минатата година. Цената на акциите на Твитер скокнала откако се појавиле гласини за неговото заминување.
I love twitter
— jack⚡️ (@jack) November 28, 2021
Веста за заминувањето на господинот Дорси прв ја објави CNBC во понеделник, повикувајќи се на анонимни извори, а новинарската агенција Ројтерс пренесува дека има иста информација.
Во неделата Дорси напишал твит кој гласел: "Го сакам Твитер".
Официјална потврда за Дорси и Твитер сѐ уште нема.
