Лидерот на војската и владејачкиот Воен совет на Судан, генерал Абдел Фатах ал-Бурхан, соопштил дека премиерот Абдалу Хамдок, поради безбедносни причини, го држи во својот дом.
Ал-Бурхан на новинарите во Картум денеска им кажал дека војската го сместила Хамдок во неговата куќа за да го чува откако добил смртни закани, јавува "Анадолија".
"Чувствуваме дека постои закана по животот на премиерот, затоа го држиме подалеку од јавноста. Тој е во мојот дом и новинарите можат слободно да го посетат", рекол Ал-Бурхан.
Sudan's ruling general, Abdel Fattah al Burhan, says that the country's PM Abdalla Hamdok is "at my home" a day after his reported detention by soldiers during a widely condemned military couphttps://t.co/vVoZVLagDR
— TRT World (@trtworld) October 26, 2021
Премиерот Хамдок и бројни министри во неговата цивилна влада биле притворени од суданската војска во понеделникот, а генералот Ал-Бурхан прогласил вонредна состојба, ги распуштил Преодниот суверен совет и владата и суспендирал некои одредби од уставниот документ кои ја опишуваат политичката транзиција во Судан.
Обединетите Нации, Европската унија, Африканската унија, САД, Германија и бројни други меѓународни организации и држави го осудиле воениот удар во Судан и повикале на итно ослободување на затворените политичари и обнова на транзициската влада.
