Милан вечерва го пречекува Торино со единствен императив, со победа да си обезбеди задржување на првата позиција на табелата во Серија А.
Тренерот Стефано Пиоли и натаму има одредени проблеми со составот, но последниве денови доби и добри вести.
Откако францускиот репрезентативец Тео Ернандес имаше негативен тест и се врати на тренинзите, сега тоа ќе се случи и со Брахим Диаз.
Утринава, Диаз го потврдил негативниот тест за ковид-19, што значи дека и тој ќе му биде на располагање на својот тренер наредниот период.
Останува да се види кога Ернандес и Диаз ќе се вратат на терен, но ако тоа не биде против Торино, тогаш сигурно во следното коло бидејќи Милан има тешко гостување кај Рома.
