Новите сопственици на Њукасл го направија првиот посериозен потег во раководењето со клубот и денеска официјално го отпуштија менаџерот Стив Брус.
Промената во сопственичката структура дојде во најлош момент за Брус, бидејќи Њукасл се уште нема победа сезонава во Премиер лигата и раководството очекува промени со доаѓањето на новиот менаџер.
Њукасл официјално соопшти дека е постигнат договор за разделба со Брус и му посака среќа во иднина.
Досегашниот менаџер го водеше тимот од „Ст. Џејмс Парк“ околу две години, a привремено функцијата менаџер ќе ја извршува неговиот досегашен асистент Греем Џоунс.
Следниот натпревар на Њукасл е против Кристал Палас, а клубот најави дека наскоро ќе објави кој ќе биде нов менаџер на екипата.