Еден индиски пар дошол на сопствената свадба пловејќи во огромен лонец, бидејќи улиците на нивниот град Талавади биле поплавени.
На снимките се гледа како свршениците пловат по поплавените улици, стиснати еден до друг во лонец додека двајца мажи во придружба на фотограф ги влечат по поплавените улици.
Парот наводно позајмил лонец од локалниот храм и изјавил дека тоа било "единствената опција" достапна во краток рок, известила индиската новинска агенција "PTI".
#WATCH | A bride and a groom in flood affected Alappuzha of Kerala were ferried to Panayannurkavu Devi Temple, Thalavady in a cooking vessel for their wedding. Bride Aishwarya, a resident of Ambalapuzha, & groom Akash, a resident of Thakazhi, are both health workers in Chengannur pic.twitter.com/pBFvLHilF4
— ANI (@ANI) October 18, 2021
На нив не им пречеле ни поплавите, ни свлечиштата, кои однеле 27 животи во текот на обилните дождови ширум Керала, држава на југот на Индија, бидејќи младенците, инаку здравствени работници, не сакале да го одложат својот голем настан, пренесува "Telegraph".
Акаш и Аишварја пристигнале безбедни и суви, во делумно поплавениот храм во Талавади, каде се одржала традиционална хиндуистичка церемонија.