Популарниот фудбалер им се пофалил на своите следбеници на социјалните мрежи со новото „Ferrari SF90 Spider“.
Златан Ибрахимовиќ го прослави јубилејниот 40-ти роденден. Какви подароци добил не е познато, но се знае што си подарил самиот на себе.
Познатиот Ибра ги известил своите фанови преку социјалните мрежи дека купил „SF90 Spider“, најмоќното „Ferrari“ во историјата кое може да се вози по јавните сообраќајници.
„SF90 Spider“ е plug-in хибридно „Ferrari“, а го придвижува 4.0 V8 твин-турбо мотор со помош на 3 електромотори, при што само турбо-бензинецот развива 780 коњски сили и 800 Nm вртежен момент. Електромоторите испорачуваат дополнителни 220 коњски сили.
За потсетување, Ибрахимовиќ кој важи за голем љубител на суперспортските автомобили, си подари моќни машини и за својот 38-ми и 39-ти роденден.
Пред 2 години купи „Ferrari Monza SP2“ за 2 милиони долари, а во 2020 година стана сопственик на „Porsche 911 Targa 4S Heritage Design Edition“.
Претходно, шведскиот фудбалер беше забележан зад управувачот на „Lamborgini Urus“, а поседува (или поседуваше) и „Ferrari Enzo“, „Audi S8“, „Lamborghini Gallardo“, „Maserati GranTurismo“, „Porsche 918 Spyder“...
