Холивудскиот глумец, Николас Кејџ бил избркан од еден ресторан откако пијан се расправал со персоналот. Очевидците во таа прилика помислиле дека оскаровецот е некој бездомник.
Кејџ пиел скапо виски и текила пред да почне да прави проблеми во ресторанот, а во снимките кои ги објави магазинот The Sun може да се види дека глумецот седи во панталони со леопардов дезен и се обидува да ги облече апостолките пред да почне да се дере. Избркан бил од ресторанот, а вработената се обидела да го спречи во неговиот обид да се врати во локалот.
'Drunk and rowdy' Nicolas Cage kicked out of fancy Vegas restauranthttps://t.co/FlJ0tlpene pic.twitter.com/zAoZg6sYed
— The Scottish Sun (@ScottishSun) September 24, 2021
Овој инцидент се случил откако глумецот имал многу тешка година. Имено, Кејџ ја изгубил својата мајка.
"Бевме во барот кога прво помисливме дека тоа е пијан и луд бездомник. Се шокиравме кога сфативме дека тоа е Николас Кејџ. Беше многу пијан и се расправаше со вработените. Навистина беше во лоша состојба и се шеташе босоног. Персоналот нѝ кажа дека пиел текила и виски Мекелен од 1980-та година. Им се дереше на луѓето и сакаше да се тепа, а потоа вработените го замолија да си замине. Беше толку пијан што не можеше да ги облече апостолките на нозете", рекол анонимен извор за The Sun.
