Роналд Куман вчера ги изненади шпанските новинари, трансформирајќи ја прес-конференцијата во краток монолог без можност за прашања.
Тренерот на Барселона прочитал кратко соопштение пред медиумите и потоа си заминал без да остави можност за прашања.
Овој потег ги изненадил и фудбалерите, но и претседателот Жоан Лапорта.
– Во последен момент дознавме дека сака да прочита соопштение, па иако мора да присуствува на прес-конференциите, самиот одлучува што и колку ќе зборува.
– Ја почитуваме одлуката на тренерот, но ние и капитените дознавме за неа во последен момент, – изјавил Лапорта.
По ремито со Гранада на „Камп Ноу“, Барселона вечерва игра на гостински терен со Кадиз. Натпреварот започнува од 22 часот.