Пола деценија се обидуваат да се разведат и не им оди најдобро: Анџелина Џоли го обвини Бред дека го нападнал најстариот син

Точка

20/09/2021

19:45

3.341

Големина на фонт

а а а

После пет години, Анџелина Џоли и Бред Пит сѐ уште не се разведени. Имено, разводо започна уште во 2016 година, но и понатаму не можат да се договорат околу старателството над шестте деца кои ги имаат заедно.

Можните причини за тоа со години ги полнеа таблоидите, како и битката за старателството над децата. Во последните пет години и двајцата потрошиле повеќе од милион долари на бракоразводната парница.


Заедно имаат шест деца: Медокс (19), Пакс (17), Захара (16), Шајло (14) и близнаците Вивиен и Нокс (12).

Медокс, Захара и Пакс се посвоени од Камбоџа, Етиопија и Виетнам, додека Шајло и близнаците се нивни биолошки деца.

Анџелина веќе со години се обидува да добие целосно старателство над децата, но Бред жестоко се бори против тоа.

Меѓутоа, јавноста беше изненадена со неодамнешните документи кои се рашириле низ медиумите, а во кои Анџелина тврди дека Бред наводно бил злоставувач.


На суд ги предала документите кои велат дека е подготвена да предаде докази кои покажуваат дека Бред го нападнал нивниот најстар син Медокс, додека семејството било на приватен лет кон дома од Франција. Тој напад наводно се случил само неколку дена пред Анџелина да ги поднесе документите за развод во 2016 година.


Од друга страна, Бред ги негира сите обвиненија и досега не бил приведен, ниту му било пресудено врз основа на тие тужби.




Спонзорирани линкови

Маркетинг