Но, тие благодети можете да ги „создадете“ и дома, со самото користење на морска сол.

Морската сол содржи над 80 хемиски елементи, започнувајќи од натриум-хлорид преку калиум и магнезиум до манган, благодарение на кои има повеќекратни корисни дејства врз човечкиот организам.

Ова се 7-те предности на морската сол во исхраната:

1. Морската сол го алкализира телото и со тоа помага во балансирање на нивото на киселина во организмот.

2. Морската сол има моќ да го зајакне имунитетот, па организмот станува поотпорен на разни автоимуни болести, грип и алергии.

3. Научниците докажале дека редовното консумирање на морска сол растворена во чаша вода може значително да го намали нивото на лошиот холестерол во телото.

4. Докажано е дека морската сол ја подобрува структурата на коските, а нејзината редовна употреба може да го забави развојот на остеопороза.

5. Морската сол е добар извор на калиум што ја прави делотворна против грчеви во мускулите.

6. Морската сол се смета за природен прочистувач на крвта бидејќи делува како антиоксидант и ги уништува слободните радикали.

7. Морската сол ја подмладува кожата „одвнатре“ бидејќи благодарение на минералите кои ги содржи успешно се бори против акни, псоријаза, егзема и предвремено стареење.

Совршен пилинг за лице

Доколку сакате да се негувате на природен начин, пилингот за лице од морска сол и маслиново масло е идеален за вас.

Помешајте една лажичка фино сомелена морска сол и 1-2 лажички маслиново масло или кокосово масло за да добиете густа паста. Со нежни кружни движења втријте ја на кожата на лицето, а потоа измијте со млака вода.

Доколку помешате морска сол и мед, ќе добиете совршена маска за лице која ќе ги смири воспаленијата и иритациите на кожата.

Морска сол за сјајна и здрава коса

Морската сол е природен лек за масна коса. Освен што го чисти скалпот, со што косата добива природен волумен, таа го потхранува влакното и го отстранува првутот.

Примената е едноставна: земете шака морска сол и масирајќи втријте ја на темето на главата. Оставете 10-15 минути да делува, а потоа измијте ја косата со вода (можете и со шампон).