Антоан Гризман режираше враќање во Атлетико Мадрид во последните минути од летниот преоден рок, но неговиот кам-бек на „Ванда Метрополитано“ донесе измешани емоции кај фановите на клубот од шпанската престолнина поради начинот на кој Французинот претходно замина во Барселона.
На вчерашниот меч против Порто во Лигата на шампионите, Гризман се соочи со свирежи и аплаузи од гледалиштето на „Ванда“, но во Мадрид има и до толку бесни фанови на Антоан, што дел од нив му посакуваат и лошо здравје.
Денеска медиумите снимија една сцена од тренинг центарот на „колчонеросите“, каде навивач на Атлетико бара од Жоао Феликс да го повреди неговиот нов соиграч кој му е конкуренција во нападот.
– Жоао, повреди го Гризман…. Повреди го со старт на нога, – му порача навивачот на Атлетико, по што Португалецот возврати.
– Треба да имаш поголема почит кон Гризман, – одговори Феликс кој вчера беше стартер против Порто, а подоцна му го отстапи своето место токму на Гризман во средбата која заврши 0:0.
??| Fans are STILL angry with Griezmann and Joao defends him
— Atletico Universe (@atletiuniverse) September 16, 2021
Fan: “Joao, step on Griezmann, you have to injure him, it can't be that he starts before you”
João Félix: “You should have more respect for Griezmann”
[via @JaviGomezCh?] #atmlivepic.twitter.com/MtYWew3RQJ