Варнер Брос одлучи да сними римејк на филмот "The Bodyguard", а сценариото за ова остварување ќе го напише Метју Лопез, пренесува Варајети.
Новиот филм ќе биде инспириран со романтичната драма во која главните улоги ги толкуваа Витни Хјустон и Кевин Костнер.
Ова остварување премиерно беше прикажано во 1992 година и оствари заработка од 400 милиони долари. Покрај тоа, музиката од филмот пристигна на самите врвови на топ листите за најпопуларна филмска музика на сите времиња.
Продукцијата на филмот ја потпишува Лоренс Касдан, Ден Лин и Џонатан Ејрич. Уште не е одлучено кои холивудски ѕвезди ќе ги остварат главните улоги во филмот, но засега имало теории дека тоа би бил Крис Хемсворт и Теса Томпсон или Ченинг Тејтум и Карди Би.