Штипски регион

Пожарот кој започна на 2 август во атарот на с.Нов Истевник, маало Пасјак се уште е активен и е во дијаметар од 9 км. До овој момент опожарени се околу 750 хектари борова шума и нискостеблести растенија. Екипите за гасење на пожар се на терен од раните утрински часови, од 4 часот. Интервенираат 200 припадници на АРМ; 25 вработени во ШС Голак – Делчево со 4 теренски возила; ТППЕ Делчево со 13 пожарникари, 2 цистерни и теренско возило; 5 припадника на Гранична полиција со 5 теренски возила; 3 припадника на ПС Делчево со 1 теренско возило; ЈПКД Брегалница со 10 вработени со 2 ровокапачи, теренско возило со 1 тон вода и 1 џип; РЦУК Делчево со 1 вработен, ТППЕ Македонска Каменица со 4 пожарникари со теренско возило; ЈП Камена река – Македонска Каменица со 10 вработени и 1 комби; и дел од пожарникарите од Бугарија. Волонтери од Црвени Крст Делчево се на терен и доставуваат вода за пиење на ангажираните сили.

Состојба со активни пожари до 13:00 часот на ден 05.08.2021 г.

Штипски регион

Пожарот кој започна на ден 02.08.2021...

Posted by Центар за управување со кризи on Thursday, August 5, 2021

Во гаснењето на пожарот ангажирани се и 4 хеликоптери.

На територијата на општина Пехчево, кај местото викано Бајаз Тепе пожарот се уште е активен и се шири кон селата Робово, Умлена и Чифлик. Опожарена е високостеблеста дабова и борова шума, нискостеблести растенија, смрека, стрништа и пасишта. Интервенираат хеликоптери, 100 припадници на АРМ, 20 ренџери, дел од екипата од Бугарија; ШС Равна Река – Пехчево со 30 вработени со 2 теренски возила со цистерни и 4 возила за превоз; ШС Малешево – Берово со 15 вработени со 2 теренски возила со цистерни и 2 теренски возила за превоз; ТППЕ Берово со 3 ПП возила и 7 пожарникари; ТППЕ Скопје, Штип и Струмица со по 2 пожарникари со 1 ПП возило; ДЗС со 1 теренско возило со цистерна и 4 вработени; РЦУК Берово со 1 вработен; ЕВН со 6 теренски возила за превоз; 35 луѓе од месното население.

Се очекува во секој момент да пристигне специјална ПП единица од Словенија.

Пожарот на потегот Костин Дол – Ново Село (Кочани и Македонска Каменица) од ноќеска повторно е активен. Интервенираат ТППЕ Кочани со 15 пожарникари; ШС Осогово – Кочани со 10 вработени; Водостопанство – Кочани со 20 луѓе; и МЗШВ со 5 лица.

Струмички регион

Пожарот кај местото бикано Погана, кој започна на 1 август е со намален интензитет, односно нема активно горење. Досега опожарени се околу 1.200 хектари ниско стеблеста шума (даб, габер, прнар, јасен). На терен интервенираат: ТППЕ Валандово со 2 ПП возила и 7 пожарникари; ШС Саланџак – Валандово со 14 вработени; ПО ДЗС Валандово со 7 припадника; АРМ со 30 припадници; ЕВН Битола со 7 вработени, едно теренско возило и 1 цистерна и Здружение од Битола со 9 припадника. Има и 2 трактори за пренос на храна и вода за учесниците во гаснењето на пожарот. Поради намалениот интензитет на пожарот, денес ќе се врши контролирање и гасење на недогорениот материјал.

Од страна на општина Гевгелија пожарот е под контрола. Опожарени се околу 200 хектари мешана шума и сува трева. На терен се 13 лица од ШС Кожув Гевгелија.

Битолски регион

Во општина Прилеп, пожарот во атарот на селата Ракле, Никодин, Топлица е активен на еден крак спрема Рудникот Козјак и еден крак спрема високиот дел на селата Крстец и Никодин. Опожарени се околу 2.000 хектари нискостеблеста дабова шума и лисната постилка. На потегот Крстец – Никодин гори нискостеблеста дабова шума.

Под контрола е кракот спрема селото Топлица, кракот према Црквата и викенд куќите во селото Ракле.

На кракот од Магистралниот пат Прилеп – Градско, гори чалија, сува трева, грмушки и деградирана дабова шума. Интервенираат 17 војници на АРМ и ТППЕ Прилеп со 9 пожарникари со 2 ПП возила.

Од ноќните часови меѓу 4 и 5 август започнат е пожар на потегот Дрен – Смолани (Прилеп) со кој гори сува трева, смрека, чолија и лисната постелка на површина од 0.5 хектари. На истиот локалитет има и еден приземен пожар на местото Мањов Дол, каде гори нискостеблеста дабова шума. Интервенираат 13 војници на АРМ, 3 пожарникари на ТППЕ Прилеп и 2 лица од месното население, како и 7 работници на ШС Црн Бор Прилеп.

Охридски регион

Пожарот во атарот на селото Девич (Македонски Брод), во 18 часот на ден 4 август е ставен под контрола. Од утрово на терен се ТППЕ Македонски Брод со 4 пожарникари и 5 вработени од ШС Македонски Брод заради контрола на просторот.

Тетовски регион

ТППЕ Тетово од 09:40 часот, со 3 пожарникари и 1 ПП возило интервенираат поради запалена сува трева кај сточниот пазар во селото Голема Речица.

Кумановски регион

ТППЕ Куманово со 4 пожарникари и 1 ПП возило, од 7 часот интервенираат поради запалена сува трева во атарот на селото Јачинце.

ТППЕ Старо Нагоричане со 3 пожарникари со 1 ПП возило, во 9:30 часот е упатена на терен кон атарот на селото Жељудино поради контрола.

Пожарот во атар на селото Коњух (Кратовосло) е изгаснат, а на терен поради контрола се наоѓа екипа на ЈП Македонски Шуми.