36 дена пред смртта не изела ниту еден соодветен оброк, живеела на алкохол и цигари: Морничави детали од последните денови на несреќната дива

Точка

31/07/2021

18:45

5.545

Големина на фонт

а а а

Новата книга „27 Heaven“ за животот на покојната пејачка Ејми Вајнхаус ја напишал Ијан Халперин, кој тврди дека близок пријател на Ејми изјавил дека таа „живеела од пијалаци и цигари“ и дека не изела еден соодветен оброк цели 36 дена пред смртта, пренесува „The Sun“.

Ејми почина од труење со алкохол на 23-ти јули 2011 година.

„Беше многу слаба, живееше од цигари“, изјавил изворот за пејачката за која беше познато дека боледува од булимија.


На 18-ти јули, Вајнхаус го одржа последниот концерт кој по многу нешта укажуваше дека нејзиниот крај е близу. На отворената сцена на белградскиот Калемегдан имало 20.000 луѓе, а тоа била нејзината прва голема турнеја по 2 години пауза, а пред неа беше на рехабилитација.

Менаџерите буквално ја истуркале Вајнхаус на сцената, а подоцна сведоци раскажувале дека таа плачела во бекстејџот бидејќи не сакала да пее. Концертот во Белград збунето го започнала со реченицата „Добровечер, Атина“, се тетеравела и не била ни свесна каде се наоѓа.

Публиката пеела наместо неа, го скандирала нејзиното име, пратечките вокали пееле и весело танцувале, а скршената Ејми сè повеќе тонела. По еден час ја одвеле од бината и ја внеле во автомобил, по што ја одвеле во хотелската соба. Таа најпрвин ги откажала концертите во Атина и Истанбул кои требало да се одржат истата недела, а потоа и цела турнеја.

Халперин тврди дека можеле да ја спасат.


„Доколку малку повеќе се концентрирале на нејзиното здравје наместо на парите кои ги носела, и денес би била жива“, заклучил изворот близок до пејачката за новата книга.



Спонзорирани линкови

Маркетинг