Во тоа може да ви помогне оваа природна маска чии состојки можете да ги пронајдете во својата кујна.

Дури и вашата коса да не е премногу оштетена, сепак ѝ е потребна хидратација за време на летниот период. Ова е особено задолжително ако сакате вашата платинесто руса коса да изгледа привлечно.

Маската за коса која се подготвува од само 5 состојки длабински ќе го потхрани влакното и ќе го направи меко и сјајно.

Потребни состојки:

- 3 лажички бадемово масло
- 2 белки
- 1 лажичка рицинусово масло
- 1 лажичка мед
- неколку капки лимон

Постапка:

Помешајте ги состојките и со помош на четка за фарбање на коса рамномерно распределете ја по должината на влакното, задржувајќи се на врвовите. Оставете ја маската околу половина час, а потоа измијте ја со шампон на природна база. Постапката повторувајте ја еднаш неделно за најдобри резултати.