Страшните поплави направиле хаос во областа Ченгду, во централна Кина, од каде не престануваат да доаѓаат драматични снимки.
Повеќе од 200.000 луѓе се евакуирани, а најмалку 12 лица загинале во поплавите во централна Кина.
На снимките кои кружат на социјалните мрежи може да се види жена која брзата вода ја носела додека одвај се борела да ја задржи главата над водата, а група луѓе и додале јаже и успеале да ја спасат.
2/3: A woman rescued in flood waters in Zhengzhou, Henan (video from WeChat). pic.twitter.com/6fOblgl5OL
— Bill Birtles (@billbirtles) July 20, 2021
На снимките може да се видат и патници заробени во поплавено метро, а нивото на водата им е до рамениците. Многу од нив се качиле на седиштата за да бидат над нивото на водата.
Поплавите погодиле десетина градови во провинцијата Хенан.
Претседателот Кси Џингпинг денеска изјавил дека "ситуацијата е тешка и критична".
Додал дека поплавите веќе довеле до загуба на човечки животи и материјална штета и им наредил на сите надлежни служби да го заштитат населението и имотите, наведува "Sinhua".
BREAKING - Heavy rain pounded the central Chinese province of Henan, bursting the banks of major rivers, flooding the streets of a dozen cities including Zhengzhou and trapping subway passengers waist-high in floodwaters pic.twitter.com/JSxYhz1k5a
— Insider Paper (@TheInsiderPaper) July 20, 2021
Во провинцијата Хенан живеат околу 94 милиони луѓе, а локалните власти издале предупредување за непогоди.
Се наведува дека ова се поплави кои се случуваат "еднаш во 100 години".
Многу фактори довеле до поплави, а глобалното затоплување предизвикано од климатските промени е еден од нив.