Министерот за здравство, Венко Филипче, преку социјалните мрежи потврди дека утре во земјава ќе пристигнат половина милион дози од вакцината на производителот „Синовак“.
Тој нагласува дека оваа вакцина е одобрена од СЗО, ефикасна и целосно безбедна за користење.
Утре пристигаат 500.000 дози вакцини од производителот „Синовак“. Оваа вакцина е одобрена од СЗО, ефикасна и целосно...
Posted by Венко Филипче on Saturday, June 26, 2021
Во продолжение на објавата, Филипче ги наведува официјалните карактеристики на вакцината „Синовак“, објавени од СЗО:
– Инактивиран САРС-Ков2 вирус;
– Потребни се две дози, втората доза од 14-28 дена по првата доза;
– Високо ефикасна за превенција на тешка болест;
– Се дава мускулно во рамо;
– Препорачана за употреба кај бремени жени кога придобивките од вакцинацијата за бремената жена се поголеми од потенцијалните ризици;
– Препорачана за употреба кај доилки како и кај други возрасни лица
Министерот за здравство вчера најави дека во текот на следните денови вакцинацијата ќе се одвива со забрзано темпо и оти ќе бидат вакцинирани сите пријавени граѓани преку сајтот vakcinacija.mk.