(Фото+Видео) Во центарот на главниот град се развеа знамето на виножитото: Втора парада на гордоста во Скопје

Учесниците на парадата ќе маршираат низ центарот на градот, покрај Владата сè до Градскиот парк.

„Скопје Прајд е настан од и за ЛГБТИ заедницата, но и за сите поддржувачи на борбата за еднаков третман на сите луѓе. Прајдот е протест, но и прослава, на која ги реафирмираме надежите за посолидарно, похумано и поправедно општество“, се вели во соопштението испратено до јавноста.

Претседателот Стево Пендаровски, министeрката за одбрана Радмила Шекеринска, министерката за труд и социјална политика Јагода Шахпаска и лидерката на ДОМ Маја Морачанин се меѓу оние кои дадоа поддршка со лично присуство на парадата.

Настанот е во организација на Националната мрежа против хомофобија и трансфобија.

Фото: 360 степени