Повеќе од 14.000 луѓе потпишале петиција да му се забрани враќање на Земјата на Џеф Безос

Точка

18/06/2021

14:10

6.526

Големина на фонт

а а а

Најдобриот начин во денешно време да се изборите за нешто е потпишување на петиција, колку и бизарно тоа да звучи...

Со помош на петиција, фановите успеаја да го убедат Кристијано Роналдо да го продаде својот стан во кулата на Трамп во Њујорк, додека повеќе од 14.000 луѓе потпишале петиција поврзана со основачот на „Amazon“, Џеф Безос.

Во пресрет на лансирањето на неговата ракета „New Shepard“ која ќе го одведе најбогатиот човек на светот и неговиот брат до суборбиталниот простор во јули, на интернет започна да кружи петиција која бара да им се забрани враќање на Земјата.

Петицијата е достапна на сајтот „Change.org“, а во неа се тврди дека Безос е всушност Лекс Лутор, маскиран како наводен сопственик на супер-успешна онлајн продавница. Всушност, тој е злобник кој тежнее кон глобална доминација.


Креаторот на петицијата, Хозе Ортиз, вели дека претстојниот вселенски лет на Безос е совршена прилика светот да се ослободи од наводниот злобник, а досега има собрано повеќе од 14.000 потписи за една недела. Ортиз вели дека е од круцијално значење заробувањето на Безос во вселената бидејќи само така „ќе можеме да го спречиме да активира 5G микрочипови и да го освои целиот свет“.

Некои дури сугерираат и дека Безос треба да го поведе Илон Маск со себе. За потсетување, Безос и неговиот брат Марк идниот месец ќе отпатуваат во вселената со летало на вселенската компанија „Blue Origin“, во друштво на еден среќник кој платил 28 милиони долари за свое место во ракетата.



Спонзорирани линкови

Маркетинг