Аргентинскиот фудбалски експерт Хектор Купер, е именуван за нов изборник на репрезентацијата на ДР Конго.
Ова ќе биде втор ангажман за Купер на клупата на некоја африканска репрезентација, откако го водеше Египет од 2015-та до крајот на Светското првенство во Русија.
На клупата на ДР Конго ќе го наследи Кристијан Нсенги-Биемба, кој добил отказ по неуспехот во квалификациите за Африканскиот Куп на Нации следната година во Камерун.
Аргентинецот во богатата тренерска кариера бил и изборник на Грузија и Узбекистан.
