Во експлозија во џамија во северен Кабул денес загинаа четири лица и ранети се повеќе од 20 верници, соопшти авганистанската полиција.
Претставник на полицијата рече дека во џамијата бил поставен експлозив, пренесува АП.
Засега никој не ја презеде одговорноста за нападот, а полицијата соопшти дека истрагата е во тек.
Нападот се случи во време кога талибанците и авганистанската влада прогласија тридневен прекин на огнот поради муслиманскиот верски празник Рамазан бајрам.
