Кристијан Диор беше еден од најпознатите великани, моден дизајнер од минатиот век. И покрај децениите, брендот „Dior“ и понатаму се смета за синоним за квалитет и добар вкус.
Самиот Кристијан Диор ги обожувал жените, но презирал поединечни типови, а еве за кои станува збор:
Како Коко Шанел, и Кристијан Диор сметал дека најлошото нешто што може да го направи една жена е да излезе од дома со валкана коса. Диор верувал дека за една жена не може да се каже дека е негувана ако си дозволи да се појави во јавност со валкана коса.
Чистата коса е еден од најсилните адути на дамите.
Ако жената не е женствена, тогаш не може да се смета за дама. Ако таа ја негира својата женственост и не ја нагласува, тогаш не е ни жена, сметал Диор.
Според него, не се само чевлите со потпетици и фустаните женствени туку и однесувањето, манирите и комуникацијата со други луѓе.
Диор сметал дека правилната нега на телото подразбира и избор на облека која ѝ одговара на фигурата и карактерот. Негуваната жена е онаа која носи облека која му одговара на телото и која умерено го нагласува, изјавил дизајнерот во една прилика.
„Вистинскиот доказ за елеганцијата на една дама се наоѓа на нејзините нозе“, велел Диор. Тој сметал дека женските чевли се неопходен атрибут за женственост и негуваните жени не треба да си дозволат да носат неженствени чевли. Кристијан Диор не поднесувал патики на женските нозе.