Во многу влијателната емисија "Report" на телевизија "RAI", која се занимава со истражувачко новинарство, авторите прикажале видео кое го покажува лидерот на партијата "Италија Вива" и поранешен премиер на Италија Матео Ренци, за време на состанокот со еден од шефовите на италијанската тајна полиција пред ресторан на автопат, пишува весникот "Il Fatto Quotidiano".
Средбата се случила во декември минатата година, во време кога Матео Ренци интензивно работел на туркање од власт на тогашниот премиер Џузепе Конте.
"Тајниот агент 007", како што медиумите го опишуваат еден од шефовите на италијанските тајни служби, Марко Манчини, е познат во јавноста како актер на разни афери, што го подгрева сомнежот и шпекулациите за целите на средбата на сенаторот Ренци и членот на тајните служби надвор од официјалните простории.
Renzi fa riferimento al video girato a Fiano Romano ma fino a quel momento durante l’intervista non avevamo menzionato il video che ci è stato mandato. Come faceva Matteo Renzi, prima dell’intervista a sapere dell’esistenza della documentazione inviataci riservatamente? #Report pic.twitter.com/Wm5zNOnn20
— Report (@reportrai3) May 3, 2021
Матео Ренци по повод оваа ТВ емисија изјавил дека "поранешниот премиер Конте не е сменет поради интриги, туку затоа што новиот премиер Марио Драги е подобар од него", и ги обвинил авторите на емисијата дека платиле надворешен соработник 45.000 евра за да конструираат случај против него.
Членовите на партијата "Вива Италија" најавиле парламентарна истрага по повод ТВ емисијата.
Авторите на прилогот одлучно ги отфрлиле сите обвиненија, и тврдат дека "се потпираат единствено на гледачите кои плаќаат ТВ претплата".
Come siete malpensanti,capita a tutti noi di uscire ed andare in una piazzola di sosta e incontrare uno 007che ci regala la cioccolata #Renzidimettiti
— sara Sarli (@sarasarli) May 3, 2021
Vergogna ???#Report:Incontro in piena crisi di governo tra Matteo #Renzi e lo 007 Marco Mancini. ? pic.twitter.com/9kyfVEBLCk
Лидерот на малите парламентарни партии Матео Ренци кон крајот на минатата година успеал да ја собори тогашната коалициска влада на премиерот Џузепе Конте, чиј член била и неговата партија "Италија Вива".
Видеото кое го покажува Матео Ренци со тајниот агент на паркингот го направила жена која случајно се нашла на самото место.