Без разлика колку убаво сте го наместиле станот, пријатна атмосфера ќе постигнете само ако е уреден и среден.
Еве неколку финти и трикови кои не чинат многу, а ќе направат вашиот стан секогаш да изгледа средено.
Сите сакаме светли и уредни купатила, но во исто време и сè да нѝ биде на дофат. Опремете се со теглички, кутии и корпи со разни големини.
Плетената корпа одлично изгледа и во дневната соба. Можете да ја користите за да ги ставите вишокот перници, кебиња, папучи или весници.
Дали секогаш се прашувате 'Што со оние украсни перници и прекривка за кревет?' кога ќе си легнете? Една корпа и дрвена скала се решението.
Отворените полици се идеални за ходник, особено ако е тесен. Лесно се достапни, а ќе постигнете ред со разни кутии. Ќе знаете каде ви се ракавиците и марамите, а уредниот ходник делува поголемо и попријатно.
Класичните гардеробери се веќе видени. Додадете некоја полица која одговара на работите кои ги имате, ако не ви требаат стандардни тесни полици, додадете шипка за закачалки, кутии за ситни работи.