Чекањето на фановите се исплатеше со оглед на тоа што листата на измени во новото ажурирање е огромна и поправа многу работи кои досега им правеа проблеми на играчите.
Голем број на багови се поправени, а доста прилагодувања се направени и во самиот гејмплеј на играта, наведоа од студиото CD Projekt Red.
Исто така во студиото поработиле и на самите перформанси. Поправени се голем број на случаи во кои играта „паѓаше“, подобрена е оптимизацијата на меморијата, корисничкиот интерфејс и други багови, со што сега, како што тврдат креаторите, играта е далеку „постабилна“.
За тоа колку се големи измените и „поправките“ можеби и најдобро говори податокот дека „апдејтот“ е тежок дури 40 гигабајти на PC, PS4 и Xbox One платформите.