Европската комисија, меѓу другото ќе побара Вашингтон да обезбеди слободен проток на клучните состојки за производството на вакцините.
Европската унија ќе побара од САД да дозволат извоз на договорените повеќе милиони дози на вакцини во Европа со цел да се надминат моменталните потешкотии во снабдувањето, пренесува британската новинска агенција „Ројтерс“.
Агенцијата пренесува дека Европската комисија исто така најавила дека ќе побара од Вашингтон да обезбеди слободен проток на клучните состојки за производство на вакцините, со цел да се зголеми производството во самата Европска унија.
