Што сè може телевизор од 400 илјади долари?

Точка

04/03/2021

16:43

2.791

Големина на фонт

а а а

Откако започна пандемијата на коронавирусот, повеќето луѓе најголемиот дел од денот го поминуваат дома, а тоа им отвори простор на стриминг платформите да се наметнат на пазарот.

Поради тоа, сè поголем број на производители започнаа да експериментираат и да тестираат голем број на иновации и кај телевизорите.

Така, компанијата C SEED одлучи да направи телевизор на склопување со дијагонала од 165 инчи. Станува збор за телевизорот C SEED M1 TV кој на есен би требало да се најде во продажба.

Овој телевизор тежи околу 1,300 килограми, а се вградува во самиот под на собата. Огромниот панел со 4К резолуција кој го носи алуминиумска конструкција, се состои од пет дела и зазема површина од 7,5 метри квадратни.

Уредот ја користи иновативната microLED технологија, па тоа е една од причините за неговата неверојатна цена - чини дури 400 илјади долари. Во оваа цена не е вклучено вградувањето во подот кое дополнително се наплатува.

Новата microLED технологија, меѓу другото, значи дека на местото на превиткување на екранот, воопшто не се губи квалитет на сликата.




Спонзорирани линкови

Маркетинг