Европската агенција за лекови денеска соопшти дека е започнато разгледувањето на документацијата на вакцината „Спутник 5“ која ја разви рускиот „Гамалеја“ институт со цел да биде одобрена дозвола за употреба во Европската унија.
Рускиот фонд за директни инвестиции соопшти дека Европската агенција за лекови ќе ја процени усогласеноста на „Спутник 5“ со стандардите на Европската унија кога станува збор за ефикасноста, безбедноста и квалитетот, пренесува руската новинска агенција „РИА Новости“.
Унгарија и Словачка веќе ја одобрија употребата на вакцината „Спутник 5“, не чекајќи истото најпрвин да го направи Европската агенција за лекови.
Инаку, руската вакцина против коронавирусот која беше прва развиена и регистрирана во светот, досега е регистрирана и одобрена за употреба во 42 држави.
Од Европската агенција за лекови соопштија дека ќе ја известат јавноста кога ќе биде поднесено барање за давање на одобрување за користење на руската вакцина во земјите на Европската унија.
