Исламската држава во 2015-та година во Париз извршила пет напади на локации во тој град.
Терористичката организација Исламска држава повеќе не е способна за изведување на сложени напади, смета германскиот експерт за тероризам, Петер Нојман.
Нојман, кој е професор по безбедност при лондонскиот "King's College", истакнува дека ИСИС повеќе не е способен за детално планирани, сложени акции како нападите во Париз во 2015-та година.
Во ноември 2015-та година исламските терористи истовремено извршиле напади на пет локации во Париз, вклучувајќи ја концертната сала Батаклан и фудбалскиот стадион "Stade de France", убивајќи 130 луѓе, пренесува "Index.hr".
Нојман слабеењето во капацитетите на терористите на ИСИС го гледа во загубата над делови на Ирак и Сирија, односно во исчезнувањето на калифатот, со што таа организација изгубила на атрактивност, без која е тешко да регрутира нови борци.
Заканата која ја претставуваат исламските екстремисти поради тоа е значајно помала отколку пред шест години, иако "осамените волци" и натаму ќе претставуваат закана, смета Нојман.
Тој се сомнева во тоа дека за 10 години исламската држава воопшто да постои.