Серхио Рамос пред две недели го оперирал коленото кое го мачело долго време, поради што примал инекции и често трпел болки.
Затоа не може да игра за Реал на натпреварите против Аталанта во осмина финалето од Лигата на Шампионите, што е огромен хендикеп за најголемиот светски клуб.
Капитенот и симбол на Реал и еден од најтрофејните фудбалери, меѓутоа, покажува неверојатна сила, издржливост и отпорност на болка.
Имено, на Инстаграм Рамос објавил снимка како во теретана изведува тешки вежби и крева огромен товар, како да не правел неодамна операција.
За помалку од 24 часа тоа видео го погледнале речиси два милиони луѓе.