Американскиот мултимилијардер и основач на „Мајкрософт“, Бил Гејтс најави дека во следните пет години планира да вложи 2 милијарди долари во борбата против климатските промени.
Во интервјуто за германски „Ханделсблат“, Бил Гејтс изјави дека тоа ќе бидат вложувања во стартап компании и други проекти, а неговата цел е со вложените средства и напори да се спречи климатска катастрофа која би настанала како последица на глобалното затоплување.
„Не е невозможно, но ќе биде многу тешко“, нагласи Бил Гејтс и од државите ширум светот најмалку за пет пати да ги зголемат државните инвестиции во науката со цел да се произведува чиста енергија и да се воведат климатски иновации.
Бил Гејтс во неговата нова книга насловена „Како можеме да спречиме климатска катастрофа“ претстави и план за намалување на емисијата на штетни гасови кои според него до 2050-та година треба да бидат сведени на нула.