Екипата на Барселона излезе како победник од битката со Зенит (85-81) во Евролигата, битка на двата состави со најдобра одбрана во натпреварувањето.
Шпанскиот вицешампион покажа повеќе во „Палау Блауграна“ и сосема заслужено дојде до славје со кое само ја потврди лидерската позиција на табелата. Четворица играчи на домаќините беа двоцифрени, најдобар од нив беше центарот Дејвис со 18 кошеви.
Зубков и Гудаитис реализираа по 15 поени за рускиот претставник.
Фенербахче е во страшен налет и за тоа говори седмата победа во низа која ја оствари над Макаби Тел Авив. Клубот од Истанбул славеше со 82-75 во меч во кој Весели уфрли 18, Де Коло 16, а Пјер 15 кошеви.
Брајант со 18 и Вилбекин со 15 беа најистакнати поединци во спротивниот табор.
Останати резултати:
Анадолу Ефес-Црвена Звезда 86-72
Химки-Баерн Минхен 93-95
Милано-Олимпијакос 90-79